જીવવા માંગુ છું…🌸

તને એ જિંદગી, હું ખત લખવા માંગું છું,

તું ચાહે તો ફરી એમાં રંગ ભરવા માંગું છું.  

તું કહેતી હતીને 'બહુ ઉતાવળના કર તું',

હું મોટી  થવાની એ હઠ મૂકવા માંગુ છું.

ભટકીને આવી પહોંચી છું હું એવા મુકામે,

અહીં આવીને  હવે પાછી વળવા માંગુ છું.

તું  કહેને  મને, 'હું  શું  કરી  શકું  હવે?'

એ બચપણ હું ફરીથી માણવા માંગુ છું.

પહેલા  તો  હું  થાકી-હારી  તારાથી,

હવે ફરી ઊઠીને તને જીતવા માંગુ છું.

અંત તો ખબર નહીં ક્યારે લખાયો હશે,

હું  ફરીથી  હવે   તને  જીવવા  માંગુ  છું.

- ઝરણા દાયમા✍️